報料電郵:money@hkheadline.com


PANDORA推手鏈換購...
2017年09月21日
不少品牌均會定期推出優惠,如最近PANDORA推出的手鏈換購活動,由2017年9月21日至24日,凡於該品牌香港分店購物淨額滿1280元或以上,即可獲贈指定Moments 925銀手鏈乙條 (型號:5...
飛首爾單程最平78元起...
2017年09月19日
仲有好多假未清?係時候留意下平機票出遊鬆一䯳。唔少廉航都不時...
中銀卡網購賺15倍積分...
2017年09月18日
隨着網購已成港人購物的主要渠道之一,近年各信用卡推出愈來愈多...
推薦親友南商開戶獲西餅禮券...
2017年09月08日
銀行不時亦會推出推薦優惠,如南洋商業銀行最近推出的客戶推薦獎...
MSIG推單次旅遊保55折優...
2017年09月18日
已買機票趁下月國慶加中秋假期的出遊的你,係時候「格」吓旅遊保...">已買機票趁下月國慶加中秋假期的出遊的你,係時候「格」吓旅遊保...
富達:美聯儲有望於12月加息...
2017年09月21日
對於美聯儲局是次的會後聲明,富達國際投資方案設計主管Davi...
 凱基
 金利豐
 信達
 時富
 耀才  
 英皇  
 
 瑞銀
 摩通
 法興
 匯豐
 高盛
 法巴  
 
 
【古天后日誌】窄幅上落消耗時間值
2017年09月22日 09:00

  9月22日,早上有驟雨,午後有陽光,雖然氣溫仍高,未能感到秋意,但天氣乾燥正正提醒秋天早已嚟到。雖然花旗聯儲局議息會議紀錄,被視為偏向鷹派聲明,但今年再加息同縮表係意料之內,市場早已消化呢個所謂偏淡消息,隔晚美股亦只係略為回調,未見太大震盪。

  至於港股已連續兩日玩窄幅,果然唔係反高潮而係冇高潮,咁行法最慘係坐住期權同窩輪嘅缸邊友,時間值不斷消耗,買啱邊亦難贏大鑊。不過古天后肯定窄幅上落唔維持得幾耐,下星期期指開始轉震,唔排除波幅會開始擴大。至於開大定開細,暫時坊間意見不一,當然保守派認為大市已八連升,今個月能否延續升勢九連升成問題,加上近日推升大市嘅火車頭三寶表現平平,行行吓仲有啲漉,指數喺現水平確係難以突破。

  至於較為樂觀嘅,即係古天后呢啲好友,暫時睇唔倒個市要大跌,尤其國慶將至,下月又到十九大,阿爺無形之手會維穩,就算唔大升都唔應該插水。目前係未搵到推升大市嘅催化劑,唯一令大戶推升大市嘅誘因,係恒指成份股沽空比率高達16%,若然整體沽空比率亦重返雙位數,咁就有理由出擊挾淡友。

  再睇埋牛熊證街貨比例,暫時可以用勢均力敵嚟形容。熊仔重貨區喺28300-28500點,即係現價恒指推升400點,將會有相等於2000張期指嘅熊仔要犧牲。而向下望望,最近嘅牛仔重貨區,即27600-28000點,加埋嘅牛仔大概相等於1700張期指,但再推落去27500-27600點,即加多超過1300張期指嘅牛仔。用簡單數學計,噚日收市價28110點,挾高400點可殺唔少熊仔,但隊夠600點,可以劏嘅肥牛再多三分一。咁嘅情況,小心大戶玩過山車,好淡通殺。

  其實上面28500,正好係古天后睇到呢個浪要行人止步嘅位,而下面再落27500點,肯定順手推多兩舊落27300,因為單係27300-27400呢100點,已經又多出近千三張期指嘅肥牛可以劏。當然牛熊證街貨只係其中一種參考資料,影響大市上落嘅又點會僅僅呢個原因。

  總之暫時板塊都係輪流落鑊,資金未見撤走,港股仍然以一浪高於一浪嘅形態向上,又唔使太驚青。今日周五唔派冧巴,都係睇住炒開嗰堆內房股,汽車股、手機設備股嚟玩。

  古天后

  (徐狄怡,證監會持牌人)