Money Hunter


同同事一齊「動起來」 儲積分換咖啡
2017年01月19日

近年有部分保險公司推出啲做運動APP,投保客戶每周用個APP紀錄低運動量,達到指定運動量就可以得到奬賞。最近呢種推廣手法,仲延伸到公司團體保險添。AIA最近推出咗市場首創嘅全方位企業健康計劃——團體客戶「AIA Vitality 健康程式」同埋「Vitality GO」每週挑戰,AIA團體客戶嘅受保僱員可以透過做運動得到獎賞。呢個計劃唔單止鼓勵大家「動起來」,仲好貼心咁有位專責客戶經理全程跟進,有乜問題都可以搵佢幫手,公司仲會定期收到計劃嘅進度報告添!

至於AIA同時推出的「Vitality GO」每週挑戰,俾團體客戶嘅受保僱員免費體驗健康獎賞嘅旅程,參加者於每星期﹙星期一至日﹚內任何五天,每天步行達7,500步或以上,賺取合共250積分,可獲免費星巴克飲品一杯。挑戰期將於3月12日結束,咁着數大家就快啲行動,贏番杯嘢飲吓啦!