報料電郵:money@hkheadline.com


駿利亨德森: 看好亞洲投...
2018年10月19日
駿利亨德森投資團隊認為亞太地區的金融、能源及房地產板塊具有吸引性,料可為投資者帶來正面的回報。   金融股 投資團隊看好金融股,近期尤以銀行和保險股為主。金融股的展望正面,預期在目前環...
KAYAK推全新AR技術行李...
2018年10月19日
航空公司對手提行李尺寸要求不一,KAYAK建議旅客出發前最好...
恒生信用卡 新客送 Ca...
2018年10月19日
信用卡優惠停不了!!!!!!只要在2018年12月31日或之...
華僑永亨:美元短期料在94-...
2018年10月19日
華僑永亨銀行指美聯儲鷹派的會議紀要引發市場對美元利率進一步上...
DBS x 安達保險 投...
2018年10月22日
去旅行要有保障同請你食雪糕,相信要有DBS同安達保險先至有,...">去旅行要有保障同請你食雪糕,相信要有DBS同安達保險先至有,...
霸菱:主動型投資適合新興市場...
2018年10月22日
新興市場在本年出現不穩定局面,究竟投資者該何去何從,霸菱新興...
 凱基  
 信達  
 英皇  
 時富  
 耀才  
 金利豐  
 
 法巴  
 法興  
 瑞銀  
 摩通  
 匯豐  
 高盛  
 
 
陸羽仁
陸羽仁周記
陸羽仁 投資博客
匯市焦點 大行晨報
匯市攻略 朱小新
恒聲集 跨晒界
教練心經 圓融圓通
股佬開倉 融匯貫通
哈永安 A8新娛樂
聚焦醫改 地產萊啟蒙
沛然莫禦 品味「捷」學
雷雨 黃瑋傑
曾廣標 張敏華
錢樹良 伍一山
黃惠德 聞風至
長揸唔使急 短炒考功夫
2018年10月15日

  上個星期陸羽仁係周記提醒投資者係美國中期選舉前記得戴頭盔,跟住全球股市就經歷驚濤駭浪的一個星期。美股連續兩天急挫,港股直插25,000點關口後,傳出美國總統特朗普與國家主席習近平,或在下月底舉行的G20峰會期間會晤,市場憧憬能緩解中美貿易戰況日趨緊張形勢才稍為回穩。恒指收報25801,全周累跌771點;國企指數收報10299。

  耶倫撐聯儲局加息有理

  美股係連插兩日後,上周五亦在科技股帶領下反覆回升,加上投資者在企業季績公佈前趁低吸納,杜指一度急升超過400點,高見25,467點,亦曾經倒跌至25,000點,但指數在低位有承接,最終收市升287點,收報25,339點,升幅1.15%。納斯達克指數升167點或2.29%,報7,496點,是3月26日以來單日表現最好的一日。標準普爾500指數終止6連跌,反彈1.41%,收報2,767點,升38點,升幅1.42%。標普科技股指數升3.2%,是超過半年最大單日升幅,最大貢獻來自蘋果公司及微軟,兩間公司股價都升超過3%。總結全周,杜指跌4.2%,納指跌3.7%,標普500指數跌4.1%,3大指數都創超過半年以來最大單周跌幅。

  股市債市大幅波動,市場氣氛變得緊張,呢點可以金價上周表現睇到。美股大跌後金價一度急飆,周五股市回穩,紐約12月期金略為回調5.6美元或近0.5%,收市報每盎司1,222美元。上周累計金價升1.4%,連續第二周上升。由於資金流入黃金,金礦股份跑出,招金(1818) 股價及相關新聞 收市就創四個月高,單日升咗近7%報6.7元。

  股市跌勢暫止,但美債仍然有壓力,主要係市場認為美國加息壓力未消,總統特朗普日前批評聯儲局過度加息的做法,將美股暴跌歸咎聯儲局,直指儲局已經變得瘋狂,直言對鮑威爾表示失望。不過,一直被視為鴿派的聯儲局前主席耶倫在南韓出席論壇時就力挺聯儲局,認為儲局並無瘋狂,而且十分理智,又指對現任聯儲局聯儲局主席鮑威爾很有信心。她認為結束寬鬆貨幣政策是十分明智的策略,強調聯儲局獨立,外部的政治評論不會影響聯儲局的政策。耶倫心裏面可能諗,自己一向路線溫和,特朗普當日決定炒佢魷,可以話咎由自取。

  港股係小股災後能夠回穩,亦同A股周五於早段觸及低位後拗腰,滬指曾插1.8%創2014年11月以來新低,收市倒升0.91%報2606;深成指就創2014年7月以來新低收市升0.45%報7558。所以後市反彈能否持續,都要睇內地會唔會有維穩招數推出。

  炒即日鮮睇易做難

  係周五大反彈市中,騰訊音樂延遲上市,無阻騰訊反彈力度,集團連續第23個交易日回購,股價連跌十個交易日呈技術「超賣」後反彈,上揚8%收造288.4元,創3年以來最大單日升幅,並結束上市以來最長連跌紀錄,成交居成交榜榜首達153億元,單佢一隻股份貢獻恒指177點升幅。舜宇光學(2382) 股價及相關新聞 借住上月出貨量標青,帶挈股價反彈,高見79.1元,收升11%報78.95元,為表現最醒目藍籌股。人民幣回升,帶挈重資產的內房股上升,融創(1918) 股價及相關新聞 漲近10%收報21.95元。連萬億市值的股份都可以有咁大波動,扑中反彈一日就已經可以食胡,但炒即日鮮等如接跌落來的刀,睇就容易做就難,要預咗有可能損手先好去玩。

  大市劇烈波動,就算戴咗鋼盔都唔係咁易頂得順。陸羽仁同兩個中環名人飯局,講到大市見底未,兩人不約而同抱審慎態度。有多年炒股經驗的名人甲話,而今係政治市,基本上無得估,但佢覺得共和黨勝出中期大選的機會不容低估。若然共和黨得勝,總統特朗普打政治牌的興致更高,政治市可能無咁快完,所以他認為持盈保泰仍然係明智之舉。

  驚人之論睇20,000點

  名人乙則係收料一派,自己唔係咁多研究基本因素。佢話而家市場講緊呢一浪股市下插,好有機會插到20,000點方休。呢個目標講起來好誇張,但係愈誇張愈有可能成真,所以係25,000以上水平,佢暫時仲係採取忍字訣。

  無可否認,經過一輪急跌,投資者對市況審慎咗好多,有啲愈唱愈淡的感覺,究竟市況點行其實好難準確捕捉,係呢啲時間入市策略可能比估計指數幾時見底更實用。而家好唔好入市,多少同個人策略好有關係,如果係短炒,當個市急插之後,單係平倉都可以帶動個股有明顯反彈,好似雙騰訊(700) 股價及相關新聞 上周五一日就反彈咗8%,足夠玩即時鮮有餘,但唔好忘記係,騰訊之前由來由300元急插而下,博反彈者好多走避不及已經被綁,能夠係低位入貨者始終只係少數,所以短炒反彈係說易行難,呢類買賣唔係唔可以做,但主要都係小注怡情,唔易有大斬獲。

  至於話買股長揸,咁即係話唔止在短期獲利,咁低位買咗,反彈十個八個巴仙都未必會賣,如果說係呢種旨在入貨長揸。目前大市唔似有大升條件,好可能彈咗又跌番,反反覆覆,想長揸者基本上唔使太心急,想入貨都可以分批逐小進行。

  秋高氣爽遊大館 蟹民可遊反思室

  前身係中環警署改為保育項目「大館」,成為新的保育浦點。開館至今不足半年,招待的人流已超過原先估計全年一百萬的目標,而且已取得被《時代雜誌》納入為全球一百個偉大地方。

  中環茶友不久前去過,發覺原來面積不小,可堪玩味的地方甚多,而且仲有唔少餐飲地點。佢就試過有間食新式中菜的餐廳MADAM FU,雖然價錢貴啲,但環境同食物都算唔錯。

  成為新保育浦點

  呢間「富夫人」餐廳賣新式中菜,呢類食肆係中環有唔少,該店水準不俗,尤其有個用椰奶做的布丁甜品頗有特色。但講到最殺食仍然係環境,係夜幕低垂下在露台酒店慢慢歎就最正。現今秋意漸濃,正係坐呢類露天位的最佳時節。

  去大館無理由只係食嘢唔睇嘢,大館當年一項重要設施就係監獄,而家監倉改咗個風雅名稱叫「反思房」。茶友去完後講咗個股民可能覺得唔好笑的笑話,話呢排個市跌得咁勁,坐咗艇的股民去參觀時,可以趁機會入去反思一番,檢討下自己究竟犯咗甚麼錯誤。

  陸羽仁