Money Hunter


中美經濟:StashAway第 4 季展望重點
2021年10月05日

開始進入新經濟週期,但股票仍可上升 

聯儲局早前表示,喺今年 12 月前開始減少買債至 2022 年中前完結自去年起的買債行動。如每月減 150 億,約 8 個月就會完成,較市場早前預期快。而市場加息週期將喺 2022 年尾開始,市場預計喺 2023 年 12 月前達 1 %。投資者應注意,聯儲局只是 「減少」 非 「停止」 買債,所以股票仍可上升(如 2013/14 年度),但回報會較過去 18 個月低,且將迎接加息。

全球經濟正逐步起飛,通脹將持續

全球銅金比率(Copper - Gold Ratio)與採購經理人指數(PMI)仍於高位徘徊,意味經濟強勁。不過,供應短缺仍非常明顯,如勞工及資源價格上漲,全球通脹可能不如聯儲局聲明般 「短暫 / 過渡」 。

中國經濟觸低後反彈,現時為逐步儲貨嘅機會

中國政策週期約 3 年轉換 1 次,作為反週期措施。中國於上年底開始收緊貨幣政策,信貸為歷史低位,所以下個周期將開始「放水」 。大型基金公司BlackRock亦開始增持中國資產,不良債務投資者更買入恒大債券。
人民幣現時勢頭強勁,反映中國經濟基本面實際良好,即使中國科技板塊最近多月跑輸大市,但 5 - 10 年嘅投資期限亦在上升。如果投資者的嘅投資年期超過 1 年,現時為逐步儲貨嘅機會。

投資部署:舊經濟會跑贏新經濟

孳息率將繼續上升,10 年期孳息率嘅支撐位喺 1.2%,而 2 年期孳息率會破位向上,而原材料(如石油、天然氣、金屬及農作物)價格會上升,市場亦會出現板塊輪動,舊經濟板塊會跑贏新經濟板塊。
StashAway系統亦監測出經濟環境變動,於7月時完成 「前瞻調倉」。為應對通脹上升風險,投資組合新增抗通脹美國資產如能源股、澳洲股、房地產信託基金及抗通漲債券,並增加中國科技權重。